【堂前燕】邊個拜我年,我去拜佢山

0
263

10974670_791045710984726_4641359669407562692_o

我對於拜年/被人拜年既討厭程度僅次於梁振英同共產黨,每年一到新年我就頭都痕鳩埋。

首先我係永遠都唔記得啲親戚邊個打邊個,嗱,你話一個半個就話姐,屌你老味我老豆同老母加埋一共有十鳩幾個兄弟姐妹,乜野大姨媽二姑姐三叔公叫到我頭都暈埋,都算啦,最大鍋係佢地啲仔女同老婆,嘩,頂你個肺啊,真係成隊兵咁操過黎,點認啊?我老母仲要成日叫我叫人啦叫人啦,屌,點叫啊,我連佢係乜水都唔知啊,叫叫叫叫春咩?

所以我係好贊成如果一大棚親戚食飯,你係首先要好似啲小學雞咁寫個名牌掛係心口,最好寫埋你既輩份,如果唔係既話,我真係識你老鼠咩,一陣認錯你係waiter定茶水阿姐就尷鳩尬啦。

第二,千其千其唔好唔好係大庭廣眾度話我"嘩燕仔,咁耐無見,高大咗又靚仔咗喎"――真係唔好,我高大靚仔呢樣野你咪隱藏係心裡面自己返屋企打飛機囉,點解你要講出黎姐?仲要係茶樓餐廳呢啲咁多人既地方,你想點姐?仲要話我似林峰?邊條蛋散又話我似劉愷威啊?你地班冚家鏟想點撚樣啊,佢地兩個就似姐,我又邊忽似呢兩條柒頭啊?你條木契成個魯芬咁既樣咁多年黎我有無出過一句聲?再講啊啦,再講我打柒你老母臭西。

嗱,講好啦,咪撚郁手郁腳過黎搣我塊面啊,我今年廿鳩幾歲啦,我對上一次見你十年前啦你老味,你條八婆果陣搣鳩我塊面我已經懷恨在心好多年,你今次再黎既話我真係連屋都燒鳩埋你。

最後,我鄭重重申一次:唔好問有無拍拖,唔好問有無女朋友,唔好問幾時結婚,唔好問幾錢人工,唔好問幾時買樓,唔好同我講你個仔搵幾多錢一個月,我唔想答唔想知唔想諗唔該曬,邊條仆街問既話出年唔洗去拜年,叫你個仔去拜山啦。

 

Source :

https://www.facebook.com/r1r.patpat